მეტყველების ნაწილი: ზმნა
ზმნის ტიპი: ძლიერი ზმნა (5)
(ნამყ. seah მხ. რ.; sáwon, sǽȝon, séȝon მრ. რ.; მიმღ. II sewen, sawen) ხედვა (ხედავს); დანახვა
ეტიმოლოგია
[თანამედრ. ინგლ. SEE ← პროტო-გერმანიკ. *sehwan; გოთ. saíƕan; ძვ. ფრიზ. siā; ძვ. საქს. sehan; ჰოლ. zien; ძვ. ზემ.-გერმ. sehan (თანამედრ. გერმ. sehen); ისლ. sjá; დან., ნორვ., შვედ. se ← ინდო-ევროპ. *sekw-; შდრ. სანსკრ. sácate „თანხლება; გაყოლა“; ავესტ. hacaitē „გაყოლა“; ძვ. ბერძ. ἔπομαι „გაყოლა“; ლათ. sequī „გაყოლა“; ძვ. ირლ. seichithir „გაყოლა“; ლიტვ. sèkti „გაყოლა; დაკვირვება; თვალთვალი“]
პარადიგმა
4.1.5. - V კლასი
პროტოგერმანიკულში (და აგრ. გოთურში) ძლიერ ზმნათა მეხუთე კლასი ხასიათდებოდა მონაცვლეობით i/ă + ნებისმიერი თანხმოვანი გარდა სონორისა. ანგლოსაქსურში ძლიერ ზმნათა აბლაუტის/ხმოვანმონაცვლეობის მეხუთე რიგი წარმოდგენილია ოთხი ძირითადი ვარიანტით: (ა) ვარიანტი ხმოვნით -e- აწმყო დროის ფუძეში; (ბ) ვარიანტი ხმოვნით -i- აწმყო დროის ფუძეში და მომდევნო თანხმოვნის გაორმაგებით; (გ) ვარიანტი თანხმოვანთა მონაცვლეობით ვერნერის კანონის მიხედვით; და (დ) ვარიანტი დიფთონგიზებული ხმოვნით პალატალური/სასისმიერი თანხმოვნის შემდეგ.
გარდა ამისა, (ე) მეხუთე კლასის ანგლოსაქსურ ზმნათა რიცხვში შედის ვარიანტი, რომელიც ხასიათდება ხმოვნის კონტრაქციით (კუმშვით) თანხმოვან h-ის ამოვარდნის შედეგად (და აგრ. ზოგიერთი სხვა ანომალიით).
| V კლასი | ინფინიტივი | ნამყო დრო მხ. რ. | ნამყო დრო მრ. რ. | მიმღეობა II |
| გაზომვა | (ა) metan | mæt | mǽton | meten |
| ჯდომა, დაჯდომა | (ბ) sittan | sæt | sǽton | seten |
| თქმა; ლაპარაკი | (გ) cweðan | cwæþ | cwǽdon | cweden |
| მიცემა | (დ) ȝiefan | ȝeaf | ȝéafon | ȝiefen |
| ხედვა; დანახვა | (ე) séon | seah | sǽȝon, sáwon, séȝon | seȝen, sewen |
იხილეთ ზმნის პარადიგმები
